Latest stories

  • Xabi Alonso líklega ekki næsti stjóri Liverpool

    Breska pressan segir öll í einum kór núna í kvöld að Xabi Alonso sé ekki skotmark hjá Liverpool í sumar, félagið hafi vitað það í þó nokkurn tíma að hann sé ólíklegur til að vilja fara frá Bayer Leverkusen í sumar og því sé ekki verið að gera ráð fyrir að ráða hann. Sömu sögu er auðvitað að segja af Bayern sem líka hefur verið sterklega orðað við Alonso.

    Tökum öllum fréttum með dágóðum fyrirvara því þetta gæti allt eins verið partur af póker til að setja pressu á Alonso og hans teymi. Engu að síður þurfa þessar fréttir ekki að koma svo ýkja mikið á óvart því Alonso hefur flýtt sér hægt að byggja upp sinn stjóraferil og vill ná sér í næga reynslu áður en hann tekur skref uppá við. Hann byrjaði t.a.m. hjá U-14 ára liði Real Madríd áður en hann tók við B-liði Real Soceidad í þriðju efstu deild Spánar. Þegar hann kom þeim upp á öðru tímabili var heilmikil eftirspurn eftir honum og hann m.a. orðaður við Borussia Mönchengladbach en taldi sig ekki tilbúinn og vildi halda áfram hjá Soceidad. Þetta var heilmikill árangur fyrir félagið því B-liðið hafði ekki verið í næstefstu deild í sex áratugi.

    Hjá Leverkusen hefur hann ekki ennþá klárað heilt tímabil, hann tók við þeim í fallbaráttu og náði að rétta skútuna mjög vel, hinsvegar gleymist aðeins í þeirri umræðu að það var fáránlegt hversu neðarlega Leverkusen var þegar hann tók við m.v. mannskap. Það sem hann er hinsvegar að gera í vetur gerir hann að eftirsóttasta stjóra í heimi (af þeim sem ekki hjá elítu liðunum nú þegar).

    Það er því kannski hægt að skilja það að hann “þori” ekki að taka stökkið strax í mega klúbb eins og Liverpool, Bayern eða önnur elítu félög sem verða á þjálfaramarkaðnum í sumar. Hann getur verið nokkuð viss um það í landslagi þjálfara í dag að hann fær fleiri tækifæri í framtíðinni haldi hann áfram á einhverju í líkingu við það sem hann er að gera hjá Leverkusen núna.

    Fúlt fyrir okkur en höfum í huga að það er alls ekkert víst að Alonso sé afgerandi efsta nafn á blaði hjá Liverpool. Það er ekkert endilega öruggt að þau tölfræðilíkön sem þeir styðja sig við geri Alonso að afgerandi kosti fyrir okkar lið og eins vinnur það mögulega aðeins gegn Alonso hversu stutt hann hefur verið stjóri í efstu deild.

    Fleiri fiskar í sjónum – Reykur í kringum nafn Ruben Amorim

    Undanfarið hefur verið ekki minni reykur í kringum nafn Ruben Amorim stjóra Sporting heldur en Xabi Alonso. Þeir sem best eru að sér í tölfræðipælingum hafa talað um Amorim frá því Klopp tilkynnti ákvörðun sína en núna er hans nafn einnig að verða mainstream í fjölmiðlum og hann orðinn líklegastur hjá veðbönkum.

    Hans þjálfaraferill í Portúgal er engu minna áhugaverður en það sem Alonso er að gera í Þýskalandi. Hann er hinsvegar ekki eins stórt nafn í knattspyrnuheimingum og auðvitað að vinna á aðeins minna sviði.

    Amorim er 39 ára eða ári eldri en James Milner en er samt á sínu fimmta ári sem stjóri í efstu deild. Hann byrjaði tímabilið 2019-20 sem stjóri Braga B en náði bara nokkrum mánuðum í því starfi áður en hann tók við aðalliðinu. Fyrsti leikur Braga undir hans stjórn var 4.janúar 2020 og vannst 7-1. Eftir níu leiki var árangurinn átta sigrar og eitt jafntefli. Þar af vann Braga undir hans stjórn Benfica, Porto og Sporting í þessum níu leikjum. Þeir unnu líka Benfica og Porto í bikarnum.

    Það var nóg fyrir Sporting sem keypti hann frá Braga á €10m sem er magnað verð fyrir þjálfara í Portúgal, hvað þá 34 ára stjóra með níu leikja reynslu. Þetta er ennþá magnaðara ef menn muna eftir þeim fjárhagsvandræðum og upplausn sem var í kringum Sporting á þessum tíma.

    Amorim var fjórði stjóri Sporting bara tímabilið 2019-20. Stuðnningsmenn liðsins voru síður en svo sannfærðir um að stjórn félagsins vissu hvað hún væri að gera og töldu félagið vera að sóa fé enn á ný, hvað þá í fyrrum leikmann Benfica. Amorim var þriðji dýrasti þjálfari í sögunni á þessum tíma. Hann bætti stigasöfnun liðsins aðeins þá 11 leiki sem eftir voru að tímabilinu og fékk svo sitt fyrsta undirbúningstímabil sem stjóri sumarið 2020.

    Gjörsamlega galin innkoma á stóra sviðið hjá gaurnum og hann var bara rétt að byrja. Sporting er ROSALEGA mikið þriðja besta liðið í Portúgal, undanfarin 40 ára hafa þeir bara unnið deildina þrisvar sinnum en þrjátíu sinnum verið í topp þremur í deildinni. Fyrsta heila tímabil Amorim vann Sporting deildina í fyrsta skipti í 19 ár.

    Árið eftir náði Sporting sama stigafjölda og árið áður en þá sá Porto við þeim með ótrúlegu tímabili þar sem þeir töpuðu bara einum leik. Sporting var því með sjóðandi heitt lið og stjóra sem var þá byrjað að orða við lið eins og Man Utd og Tottenham.

    Viðskiptamódel Sporting rétt eins og hinna liðanna í Portúgal er að selja sína bestu leikmenn og Sporting þurfi heldur betur að rétta úr kútnum fjárhagslega. Sumarið 2022 seldu þeir á einu bretti:

    • Mattheus Nunes (nú hjá Man City)
    • Nuno Mendes (seldur til PSG)
    • Joao Palinha (Fulham – einn besti varnartengiliður Úrvalsdeildarinnar í fyrra)
    • Pablo Sarabia markahæsti leikmaður liðsins fór til baka úr láni (frá PSG).
    • Pedro Porro fór svo einnig á láni til Tottenham í janúar sem kláraði kaupin um sumarið

    Þetta var auðvitað blóðtaka sem hafði áhrif og gengi Sporting aðeins verra fyrir vikið, fengu 11 stigum minna en árin á undan og höfnuðu í 4.sæti. Fyrsta eiginlega mótlæti Amorim sem stjóri sem svo má kalla.

    Fyrir þetta tímabil misstu þeir svo Ugarte til PSG en eru heldur betur mættir aftur í toppbaráttuna og leiða eftir 25 umferðir og eiga leik inni á Benfica í öðru sæti. Eru með 65 stig það sem af er tímabili eða 2,6 stig að meðaltali í leik. (Leverkusen núna er sem dæmi með 2,69 stig að meðaltali)

    Amorim hefur verið stjóri í 147 deildarleikjum með þriðja besta lið Portúgal (og Braga sem er fjórða besta liðið) en er með að meðaltali 2,41 stig í leik. Sporting undir hans stjórn er með fleiri stig en Benfica samanlagt og rétt á eftir Porto.

    Það er eiginlega ekki hægt að gera mikið betur í Portúgal en Amorim er að gera þessi fyrstu fimm tímabil sem hann hefur verið stjóri. Hann er bara 39 ára og hvort sem hann fer til Liverpool eða annað er ljóst að hann tekur fljótlega við stærra liði en Sporting. Hinsvegar er mjög erfitt að meta hvort hann sé næsti Jose Mourinho eða André Villas-Bóas.

    BBC birti áhugaverða grein þar sem þeir bera saman þá stjóra sem helst eru orðaðir við Liverpool (Sjá frétt hér). Það er í svona greiningum sem Amorim er að skora mjög hátt og mjög líklegt að hann tikki í flest box hjá eigendum Liverpool og nýjum yfirmönnum knattspyrnumála sem eru mjög data miðaðir í allri sinni nálgun.

    Amorim er sagður mjög góður maður á mann og eins taktískt. Liðið spilar 3-4-3 leikkerfi með öflugan og þéttan varnarleik sem var grunnurinn að titli Sporting 2021. Engu að síður er Sporting með mjög háa varnarlínu og pressa af miklum krafti, liðið er að skora meira á þessu tímabili en Sporting hefur gert síðan um miðja síðustu öld. Amorim er sagður mjög góður í að ná til sinna leikmanna og flestir virðast stórbæta sig undir stjórn Amorim svipað og við þekkjum hjá Klopp, eitthvað sem skorar hátt hjá FSG.

    Hér er áhugaverð umföllum Amorim

    Sporting féll úr leik í Evrópudeildinni í vetur eftir tap gegn Atalanta, næstu andstæðingum Liverpool. Þeir tóku hinsvegar Tottenham á síðasta tímabili á heimavelli og gerðu jafntefli í London í riðlinum sem dugði þó ekki til. Þeir voru í Evrópudeildinni eftir áramót og hentu m.a. Arsenal úr þeirri keppni og voru mjög óheppnir að slá ekki Juventus út, yfirspiluðu þá og óðu í færum en Juve tók ekta Italian Job á þá og nýtt sitt færi.

    Amorim hefur engu enga reynslu af því að starfa erlendis, hann talar ágæta ensku en var í Portúgal allan sinn feril og átti bara fínan feril sem leikmaður hjá m.a. Braga og Benfica. Hann hefur ef út í það er farið varla búið annarsstaðar en í Lissabon nema eitt ár sem leikmaður og annað sem þjálfari í Braga í norðurhluta Portúgal. Það er spurning hversu vel honum tekst að koma sínum hugmyndum á framfæri í öðru landi, annarri meningu og á öðru tungumáli. Menn með verri ferilsskrá en Amorim hafa látið á það reyna og hann er klárlega kominn á tíma að prufa sig á stærra sviði.

    Spennandi valkostur þegar hann er skoðaður nánar

    Aðrir 

    Rétt eins og með Alonso og Amorim er hægt að tala sig niður á ansi marga valkosti sem gætu alveg verið spennandi hjá Liverpool, sérstaklega ef allir aðrir hlutar tannhjólsins snúast í takt. Allir eiga þeir það þó sameiginlegt að vera ekki Jurgen Klopp. Eigendur Liverpool (og auðvitað við stuðningsmenn liðsins) þurfa að setja mjög mikið traust á menn eins og Richard Hughes og Michael Edwards sem stjórna leitinni að nýjum stjóra og greina hver hentar Liverpool best. Auðvitað horfum við bara í þann stjóra sem er að standa sig best núna en rétt eins og með leikmenn sem eru ekki endilega að hámarka sín gæði hjá einu liði þarf það ekkert að þíða að þeir geti ekki gert það annarsstaðar. Sama lögmál á við um þjálfara.

    Væri Max Verstappen efstur í Formúlu 1 núna á Sauber eða Alpine bíl í stað Red Bull? Er hægt að heimafæra svona samlíkingu á einhvern knattspyrnustjóra? Lið Nagelsmann fékk t.a.m. mun fleiri stig að meðaltali í leik þegar hann var stjóri Bayern en hann náði hjá Leipzig og Hoffenheim. Gæti De Zerbi þróað og betrum bætt það sem hann er að gera hjá Brighton enn frekar hjá Liverpool og þá hversu mikið? Það sem verið er að treysta Hughes/Edwards fyrir er svolítið að finna út hvar þakið er hjá nýjum stjóra Liverpool, ekki ósvipað og þegar verið er að skoða leikmenn. Það þarf alls ekkert endilega að leiða þá að augljósasta valkostinum eins og Xabi Alonso virðist klárlega vera.

    Julius Nagelsmann er sem dæmi með mun meira sannfærandi reynslu en Amorim að því leiti að hann hefur stjórnað mun stærri félögum og unnið með stærri nöfnum en Amorim. Honum hefur verið líkt við Klopp í tæplega áratug og þjálfað lið sem aðhyllast ekki ósvipaða leikaðferð og Klopp hefur verið að vinna með hjá Dortmund og Liverpool.

    Það sem meira er þá er Nagelsmann þremur árum yngri en Amorim. Hann hefur þjálfað Bundesliga lið frá því hann var 29 ára eða auðvitað þýska landsliðið sem er eitt af stóru störfunum í landsliðabransanum.

    Bayern keypti hann frá Leipzig á €25m (og hefðu betur bara haldið sig við hann).

    Roberto De Zerbi er svo klárlega ekkert búið að stroka út af listum yfir líklega stjóra stórliðanna þó Brighton hafi ekki náð sama flugi og þeir náðu í fyrra. Ekki það að þeir eru núna með 42 stig eftir 28 leiki en voru með 46 stig eftir sama leikjafjölda á síðasta tímabili. Það sem gæti hafa kostað þá þessi fjögur stig er mögulega að þeir seldu Mac Allister, Caiceido og Sanchez í sumar og tóku í fyrsta skipti þátt í Evrópudeildinni núna í vetur. Þetta meinta hrun þeirra er nú ekki verra en það.

    En úr því að Alonso virðist vera stimpla sig út í þessum slag, ætli þessir þrír verði ekki helst til umræðu næstu vikur. Bet365 er komið með Amorim sem þann líklegasta núna

    Best væri nú bara ef Klopp sæi að sér og hætti við að hætta enda er þetta bölvað bull í karlinum.

    [...]
  • Gullkastið – Þjálfaraleit stóru liðanna

    Hvað bíður nýs stjóra hjá Liverpool og hvernig er staðan núna í þjálfaraleit stóru liðanna?
    Brighton kemur í heimsókn á sunnudaginn og strax á eftir þeim leik mætast Arsenal og Man City. Mjög þétt prógram framundan hjá Liverpool og ekki nema þrír deildarleikir á sjö dögum strax í kjölfarið á landsleikjapásunni.

    Réðum svo stjóra í Ögurverk lið aldarinnar skipað mestu gerpum aldarinnar

    Stjórnandi: Einar Matthías
    Viðmælendur: Maggi og SSteinn.

    Þökkum að vanda samstarfsaðilum þáttarins fyrir að hjálpa okkur að halda síðunni úti.


    Egils GullHúsasmiðjan / Verdi Travel Jói ÚtherjiÖgurverk ehf / Done

    MP3: Þáttur 468

     

    [...]
  • Merseyside derby hjá stelpunum

    Núna í dag kl. 13 ætla stelpurnar okkar að mæta stallsystrum sínum hjá Everton í stórleik dagsins í kvennaboltanum, leikurinn fer fram á Goodison Park og mér skilst að það sé uppselt í stúkuna þar sem stuðningsfólk Liverpool situr. Enda kemur ekkert annað til greina en sigur í dag. Staðan í deildinni er svona:

    Einum leik í umferðinni er lokið, þar sem City unnu United í borgarslag Manchester í gær. Það er því gullið tækifæri til að komast upp fyrir United og hirða 4. sætið, en líka ljóst að það verður ekkert auðvelt. Þrátt fyrir að okkar konur séu með helmingi fleiri stig heldur en hinar bláklæddu, þá er staðan einfaldlega þannig að það hefur gengið bölvanlega gegn þeim í síðustu leikjum. Báðir leikirnir á Anfield hafa tapast, og leikurinn á Goodison á síðustu leiktíð endaði með jafntefli. Reyndar hefði sá leikur alls ekkert átt að enda með jafntefli því Leighanne Robe skoraði fullkomlega löglegt mark upp úr hornspyrnu en það var dæmt af fyrir litlar sakir, mögulega hafði Ceri Holland andað full harkalega ofan í hálsmálið á markverðinum.

    Okkar konur eru nálægt því að mæta með sitt sterkasta lið, en þó er Taylor Hinds ennþá fjarverandi. Hún ætti þó að geta farið að æfa í næstu viku. Þá meiddist Sofie Lundgaard á hné í síðasta leik, og verður frá það sem eftir lifir tímabils. Grátbölvað fyrir hana, enda var hún farin að byrja leiki og var einfaldlega að spila mjög vel. Semsagt, líkur á því að afmælisbarn dagsins – Jasmine Matthews – haldi áfram að leysa af í vinstri bakverðinum. Fuka Nagano ætti hins vegar að vera komin til baka eftir að hafa meiðst aftan í læri.

    Liðið sem byrjar lítur svona út:

    Laws

    Clark – Fahey – Fisk

    Parry – Nagano – Matthews

    Holland – Missy Bo

    Kiernan – Roman Haug

    Bekkur: Micah, Bonner, Daniels, Höbinger, Lawley, van de Sanden, Enderby

    Lucy Parry kemur inn í stað Emmu Koivisto, og Missy Bo Kearns byrjar frekar en Marie Höbinger sem er á bekk. Bekkurinn er reyndar sterkur og allar sem eru þar gætu komið inn og a.m.k. ekki veikt liðið.

    Leikurinn verður sýndur á The FA Player, og sjálfsagt verður hægt að sjá hann víðar, látið endilega tengla fylgja með í athugasemdum ef þið rekist á leikinn einhversstaðar.

    KOMA SVO!!!!!

    [...]
  • Hverjir eru líklegastir til að taka við Liverpool?

    Jurgen Klopp tilkynnti okkur um vonlausa ákvörðun sína að hætta sem stjóri Liverpool eftir tímabilið fyrir rúmlega einum og hálfum mánuði síðan. Þegar hann kom til Liverpool var hann svo sannarlega heitasti bitinn á markaðnum og miðað við veðbanka og vilja mikils meirihluta stuðningsmanna Liverpool erum við vonandi að fara endurtaka leikinn.

    Það sem af er þessu tímabili er Xabi Alonso lang heitasta söluvaran á þjálfaramarkaðnum. Bayer Leverkusen er taplaust það sem af er þessu tímabili og verða mögulega andstæðingar Liverpool í úrslitum Evrópudeildarinnar komist bæði lið þangað. Forsvarsmenn Leverkusen hafa eðlilega engan áhuga á að missa sinn mann og hafa talað um það undanfarnar vikur að hann sé með samning og hvorki hann né félagið þurfi að gera nokkuð í sumar þrátt fyrir áhuga annarra liða. Höfum heyrt slíkar sögur áður.

    Frá því fréttirnar um Klopp voru opinberaðar hafa tvær slúðursögur varðandi hvað Liverpool gerir næst nokkuð óvænt gengið upp. Michael Edwards er kominn aftur til Liverpool öfugt við yfirlýsingar frá honum sjálfum. Með honum er svo einnig kominn Richard Hughes sem tekur við starfi yfirmanns knattspyrnumála hjá Liverpool. Hans skrifstofa verður líklega beint á móti skrifstofu Alonso eða þess þjálfara sem verður ráðinn í sumar.

    Hughes er sagður gríðarlega vel tengdur í knattspyrnuheiminum og var t.a.m. á svipuðum tíma fyrir ári síðan í miklum samskiptum við umboðsmannateymi Xabi Alonso þar sem þeir eru einnig með Iraola núverandi stjóra Bournemouth á sinni könnu. Hvort það hjálpi eitthvað samningsviðræðum við Leverkusen eða Alonso er óljóst, en svona tegsl skaða varla.

    Forysta Leverkusen hefur svo bara aukist frá þeim tíma er við byrjuðum fyrst að velta fyrir okkur næsta eftirmanni Klopp, eru núna með 10 stiga forskot í Þýskalandi.

    Aðrir

    Þegar við vorum að velta þessu upp síðast var komið inná að Rúben Amorim hjá Sporting væri að standa sig það vel að hann ætti líklega að vera ofar á lista. Það hefur einmitt gerst í kjölfar þess að Edwards og Hughes voru ráðnir inn. Hann er núna næst líklegastur skv. veðbönkum og verður að teljast verulega líklegur til að yfirgefa Portúgal mjög fljótlega, hvort sem það verður til að taka við Liverpool eða öðru elítu liði.

    Sporting keypti hann frá Braga á €10m eftir að hann hafði verið aðeins 13 leiki sem stjóri Braga. Þar áður hafði hann stjórnað B-liði Braga í 11 leikjum áður en hann tók við aðalliðinu. Hann leiddi Sporting til fyrsta sigurs félagsins í deildinni í 19 ár árið 2021 og er með þá á toppi deildarinnar núna. Síðasta tímabil hjá Sporting var þó litlu merkilegra en hjá okkar mönnum síðasta vetur.

    Amorim er aðeins 39 ára og líklegur til að verða næsta stóra nafnið úr Portúgalska boltanum. Hann hefur hinsvegar hvorki spilað né þjálfað utan heimalandsins. Liverpool gæti verið full stórt stökk frá Sporting fyrir mann með enga aðra reynslu.

    Roberto De Zerbi hjá Brighton var mikið í umræðunni í byrjun febrúar og er auðvitað næsti andstæðingur Liverpool. Það hefur ekki verið sama flug á Brighton í vetur og frá því RDZ tók við sem kannski eðlilegt er m.v. hvað þeir seldu af leikmönnum í sumar. Áhugi á honum hefur dalað í samræmi við það, a.m.k. meðal stuðningsmanna.

    Julien Nagelsmann er skráður fjórði líklegastur og satt að segja kemur mér á óvart að hann skori ekki ofar en De Zerbi og jafnvel Amorim. Red Bull uppeldi með töluverð tengsl við Ralf Ragnick og með reynslu af því að stýra stórum liðum þrátt fyrir að vera aðeins 37 ára.  Bayern Munchen hafði það mikla trú á Nagelsmann 2021 að þeir keyptu hann frá Leipzig á €25m. Hann var rekinn 2023 þrátt fyri að vera með betra sigurhlutfall en Tuchel hefur verið með síðan.

    Af öðrum sem eru ofarlega á lista skv. Bet365 ber kannski hvað helst að nefna Marco Rose og Simone Inzaghi.

    Rose er núverandi stjóri Leipzig og annar sem FSG þekkir vel til og hefur stjórnað báðum Red Bull liðunum, Dortmund og Borussia Mönchengladbach. Hann var auk þess leikmaður undir stjórn Jurgen Klopp hjá Mainz og hefur tileinkað sér margt úr hans hugmyndafræði í þjálfun. Það kemur ekki á óvart að hann sé meðal líklegustu manna hjá FSG.

    Inzaghi er svo að stimpla sig inn sem eitt af stóru nöfnunum í þjálfarabransanum. Hann fór með Inter í úrslit Meistaradeildarinnar á síðasta tímabili og er núna búinn að rústa Seria A deildinni. Það sem hann er að gera á Ítalíu er engu minna merkilegt en Alonso er að gera í Þýskalandi. Inzaghi hefur vissulega verið átta ár að vinna sig upp í þá stöðu sem hann er núna. Fyrst sem stjóri Lazio þar sem hann stóð sig mjög vel og síðan þá (frá 2021) sem stjóri Inter Milan, þar tók hann við ríkjandi meisturum. Inzaghi hefur hinsvegar aldrei spilað eða þjálfað utan heimalandsins og ekki víst að hans leikstíll (3-5-2) sé það sem FSG er að leita eftir?

    Pep Ljinders heldur svo áfram að vera ofarlega hjá veðbönkum en það er held ég nokkuð örugglega búið að sigla þeim bát og ekkert sem bendir til að Hughes reyni að breyta því.

    Thomas Tuchel er á lausu í sumar og það væri ekki í fyrsta skipti sem hann tekur við af Klopp, en takk, nei takk.

    Aðrir sem eru á lista 

    Xavi Hernandez er að öllum líkindum ekkert búinn í þjálfarabransanum þó hann sé að ljúka leik hjá Barcelona í sumar. Það er allt í rugli bak við tjöldin þar og hann náði samt að leiða þá til sigurs í fyrra.

    Hvað er Zidane að brasa, er hann hættur?

    Hansi Flick er talinn líklegur hjá t.d. Bayern og Barcelona. Jafnvel Man Utd en hefur einhverra hluta vegna ekki verið ofarlega hjá veðbönkum hvað stjórastöðu Liverpool varðar, hann er t.a.m. jafn líklegur skv. Bet365 og Abel Xavier (þurfti að lesa þetta tvisvar). Hann væri auðvitað langeðlilegasti kosturinn fyrir Bayern í sumar. Stóð sig frábærlega þar áður en hann tók við landsliðinu og er ekki að gera neitt í dag.

    Iraola er auðvitað vel metin af Richard Hughes og líklegur til að taka við stærra liði en Bournemouth einhverntíma í framtíðinni. En kannski ekki alveg Liverpool, ekki strax.

    Prufum að taka Xabi Alonso út fyrir jöfnuna, það er öllum ljóst að hann viljum við langmest fá til Liverpool. Ef ekki hann, hver væri þá álitlegastur? 

    Hvern af þessum myndir þá helst vilja sjá taka við af Klopp?

    Skoða niðurstöður.

    Loading ... Loading ...

     

    [...]
  • Gullkastið – Lognið Á Undan Síðasta Storminum

    Síðasta landsleikjahlé tímabilsins fyrir rosalegan endasprett í deildinni og ljóst að Liverpool verður að keppa á tveimur vígstöðvum í stað þriggja eftir svekkjandi endi í framlengdum leik í enska bikarnum. Það var þó alltaf þriðja mikilvægasta málið á dagskrá enda Liverpool með sinn aðalfókus á aðrar keppnir, Sparta Prag var ekkert vandamál í 16-liða úrslitum og ljóst að næsta verkefni verður á Ítalíu. Við gætum átt 12-15 leiki eftir undir stjórn Klopp eftir því hvernig gengur í Evrópudeildinni og vonandi verður vorið okkar tími líkt og áður undir stjórn Klopp.

    Michael Edwards er staðfest að snúa aftur til Liverpool (eða FSG réttara sagt) og Richard Hughes frá Bournemouth kemur í hans gamla starf hjá Liverpool. Næsta verk er að ráða nýjan stjóra og framlengja við lykilmenn.

    Bættum sóknarlínu við Ögurverk lið aldarinnar skipað mestu gerpum deildarinnar frá aldamótum, tveir áttu nú fast sæti í því liði fyrir.

    Nú er svo bara að leggjast á bæn um að meiðslalisti Liverpool fari að lagast fyrir endasprettinn og ekkert óvænt komi upp i landsleikjapásunni, þær hafa ekki beint verið að vinna með okkur hingað til.þ

    Stjórnandi: Einar Matthías
    Viðmælendur: Maggi og SSteinn.

    Þökkum að vanda samstarfsaðilum þáttarins fyrir að hjálpa okkur að halda síðunni úti.


    Egils GullHúsasmiðjan / Verdi Travel Jói ÚtherjiÖgurverk ehf / Done

    MP3: Þáttur 467

     

    [...]
  • Manchester United 4-3 Liverpool

    Mörkin

    1-0 McTominay (10.mín)

    1-1 MacAllister (44.mín)

    1-2 Salah (45+2.mín)

    2-2 Anthony (87.mín)

    2-3 Elliot (105.mín)

    3-3 Rashford (112.mín)

    4-3 Amad (120.mín)

    Hvað gerðist helst markvert í leiknum?

    United byrjaði betur, áttu tvö hálffæri áður en þeir skoruðu. Okkar menn voru týpískir, hálffæri frá Salah og nokkrar álitlegar sóknir sem vantaði endahnút á. Eftir rúmar tuttugu mínútur settlaðist leikurinn að mestu þannig að Liverpool réði ferðinni, United náðu nokkrum skyndisóknum en í sjálfu sér var lítið að frétta. Þangað til bæði lið fengu góð færi á sömu mínútunni, McTominay fyrir United og Luis Diaz fyrir Liverpool eftir geggjað hlaup og einstaklingsframtak. Wataru Endo skoraði síðan fyrir Liverpool á 37. mínútu en millimetrarangstaða Salah ógilti markið réttilega. Á 44. mínútu hóf Jarrell Quensah hlaup neðan úr öftustu vörn, Matip-style. Hann sendi boltann fyrir á Darwin Nunez sem skilaði honum svo á McAllister sem skaut föstu og hnitmiðuðu skoti á nær sem Onana réði ekki við. Á 48. mínútu vann Joe Gomez síðan boltann uppi í horni af Bruno Fernandez eftir góða pressu. Hann kom honum fyrir þar sem varð smá kraðak í teignum, Nunez náði skoti, Onana varði en boltinn datt fyrir fætur Salah, sem setti hann nett í stöngina og inn. Þrettánda markið hans í fjórtán leikjum gegn Man Utd. 1-2 í hálfleik, travelling kop tónaði Allez, allez, allez langt inn í hléið.

    Seinni hálfleikur byrjaði á hálfgerðu ping-pong, mikil hlaup fram og til baka, leikurinn einhvern veginn hálf tættur og stefnulaus. Unitedmenn kvartandi yfir því að fá ekki dæmd brot á Liverpool trekk í trekk eftir að Liverpool vann af þeim boltann. Á 57.mínútu fékk Liverpool aukaspyrnu eftir brot Fernandez á Szoboslai, mögulega seinna gult og maður óttaðist sannarlega í smá stund að tímabilið væri búið hjá Szobo. En hann stóð upp og Liverpool náði yfirhöndinni í leiknum.

    Það var algjörlega ekki nokkur skapaður hlutur í kortunum síðustu mínútur leiksins annað en að Liverpool myndi bæta við markið eða mörkum. Liverpool var gjörsamlega með yfirhöndina en einhvern veginn tókst varamanninum Anthony af öllum mönnum að skora, jafna leikinn og koma honum í framlengingu.

    Framlengingin

    Ágætis æsingur. Rashford var ógnandi en fór illa með sína sénsa. Heppnismark frá Elliot, skot í Eriksen og í gegnum klofið á McGuire. United byrjaði síðan að pressa meira í seinni hluta framlengingarinnar þegar ansi margir af okkar mönnum voru orðnir mjög þreyttir, Nunez átti mjög slaka sendingu, McTominay komst inn í, sendi á Rashford sem lagði boltann í hornið, 3-3. Þreytumunurinn á liðunum er kannski skiljanlegur þar sem Liverpool hefur spilað 18 leiki frá áramótum en Manchester United 12. Liverpool spilaði á síðasta fimmtudag en Manchester United hefur haft viku til að græja sig í leikinn.

    Á síðustu mínútu framlengingarinnar átti Liverpool síðan hornspyrnu. Harvey Elliot tapaði návígi við Amad, hann og Garnacho brunuðu upp völlinn, voru tveir gegn Conor Bradley, Garnacho skilaði síðan boltanum til baka á Amad sem lagði hann í fjærhornið, ekkert sérstakt skot en inn fór hann.

    Hvað réði úrslitum?

    Það var vissulega algjör óþarfi að láta þetta fara í framlengingu. Breytingarnar sem Klopp gerði upp úr 70. mínútu breyttu leiknum til hins verra fyrir okkur. Liðið tapaði hálfpartinn jafnvæginu og Man Utd komst meira og meira inn í leikinn. Ég ætla þó ekki að vera illur út í Klopp. Szoboslai og Mo Salah eru að stíga upp úr meiðslum og geta eflaust ekki spilað 90 mínútur, sama gæti alveg átt við um Robertson.

    Hverjir stóðu sig best?

    Lengi vel fannst mér Darwin Nunez vera bestur á vellinum, tvö mikilvæg móment þar sem hann átti þátt í báðum mörkum Liverpool í venjulegum leiktíma. Hann hefði þó alveg mátt skora og gera betur í nokkrum góðum skyndisóknum. Van Dijk var að venju traustur og Endo ekki síður. Bestur í liði Liverpool, og á vellinum í 120 mínútur var Alexis MacAllister. Hann stjórnaði umferðinni á miðjunni og skoraði gott mark. Hann er kominn á virkilega góðan stað og á eftir að vera gífurlega mikilvægur á lokasprettinum.

    Hvað hefði mátt betur fara?

    Erfitt að segja. Of miklar breytingar í leiknum vegna meiðsla undanfarinna vikna breyttu leiknum. Við hefðum átt að klára leikinn í venjulegum leiktíma.

    Umræðan eftir leik

    Slakt að tapa leiknum eftir algjöra yfirburði í stöðunni 2-1. En, svona er þetta.

    Hvað er framundan?

    Landsleikjahlé. Tveggja vikna pása þar sem hópurinn styrkist vonandi töluvert fyrir lokasprettinn, sem hefst gegn Brighton 31.mars, á páskadag.

    [...]
  • Byrjunarliðið – leikþráður gegn Man Utd.

    Klopp er ekkert að flækja hlutina, bara líklega sterkasta liðið sem völ er á í dag.

    Manchester United stillir upp einhvern veginn svona (líka sterkasta þeirra):

    Onana

    Wan Bissaka – Varane – Lindelöf – Dalot

    McTominay-Mainoo

    Garnacho – Fernandes – Rashford

    Höjlund.

    Koma svo, game on, stórleikur og erkifjendaslagur af bestu gerð.

    [...]
  • Stelpurnar fá West Ham í heimsókn

    Enn eina helgina eru bæði liðin okkar að spila, í dag eru það stelpurnar sem hefja leik kl. 12:00 á Prenton Park og fá West Ham í heimsókn. Maður hefði kallað þetta Dagný Brynjars og félaga, en hún hefur ekkert spilað með í vetur þar sem hún var að eignast sitt annað barn núna í febrúar, og óskum við henni og fjölskyldu hennar auðvitað innilega til hamingju með það. Líklega er engu logið þegar við segjum að stöllur hennar í Hamraliðinu hafi saknað hennar á leiktíðinni, síðustu tímabili hafa Hamrarnir verið um og fyrir ofan miðja deild, en eru í botnbaráttu á þessu ári. Reyndar í hæfilegri fjarlægð frá Bristol sem sitja örugglega í neðsta sæti, og við munum að það fellur aðeins eitt lið í vor. Það eru því allar líkur á að þegar að téð Dagný snýr aftur á völlinn verði það í efstu deild, hvort sem það verður í lokaleik tímabilsins eða í haust. Talandi um stöðuna í deildinni, þá er hún svona:

    Eins og sést eru okkar konur í baráttu við United um 4. sætið í deildinni, og vilja rétta sinn hlut eftir leiðinlegt tap gegn Leicester í bikarnum um síðustu helgi. Sérlega böggandi tap í ljósi þess að Leicester drógust svo á móti Spurs, og ef okkar konur hefðu unnið um síðustu helgi þá hefði það verið vel raunhæft að komast á Wembley. En það er frá og búið spil og áfram gakk. United mæta Bristol á sama tíma á eftir, við erum kannski ekki að reikna með að United tapi mörgum stigum í dag, en vonandi ná þær Amy Rodgers og Amalie Thestrup eitthvað að stríða þeim og mögulega hirða einhver stig. Annars fór stórleikur umferðarinnar fram á föstudaginn þar sem Niamh Charles og félagar í Chelsea unnu Arsenal, og í gær töpuðu Everton stelpurnar gegn Villa.

    Svona stillir Matt Beard upp liðinu í dag:

    Laws

    Clark – Fahey – Fisk

    Koivisto – Lundgaard – Matthews

    Holland – Höbinger

    Kiernan – Roman Haug

    Bekkur: Micah, Parry, Kearns, Daniels, Lawley, van de Sanden, Enderby

    Ég man ekki hvort Leanne Kiernan hafi byrjað deildarleik áður á þessu tímabili, allavega gaman að sjá hana og Niamh Fahey fá tækifæri til að fagna “St. Patricks day” með 3 stigum vonandi. Fuka Nagano er enn frá með “hamstring” en hún var vel á veg komin og ætti að vera klár í slaginn í næsta leik, sem er einmitt gegn grönnum okkar í Everton á sunnudaginn eftir viku. Sá leikur fer fram á Goodison Park, og nú er ekkert annað í boði en að vinna helvítin. Kannski verður Taylor Hinds líka komin til baka þá, en það er þó held ég ólíklegra.

    Hægt verður að fylgjast með leiknum á The FA Player – sé ekki að hann sé sýndur á Viaplay – en ef lesendur vita af honum á fleiri streymisveitum þá er um að gera að láta vita.

    KOMASVO!!!!!

    [...]
  • Heimsókn til erkifjandas, United í bikarnum

    Hundar og kettir. Batman og Jókerinn. Liverpool og Manchester United. Sumir eru bara fæddir óvinir, andstæðingar af guðs náð. Á morgun fara Liverpool á Old Trafford í næst síðasta sinn undir stjórn Jurgen Klopp og freista þess að tryggja sér farseðil í undanúrslit elstu fótboltakeppni sem keppt er í.

    Saga liðanna.

    Í FA bikarnum hafa Liverpool og Manchester United mæst átján sinnum á 125 árum. Fyrsti leikurinn fór núll núll á því herrans ári 1898, en Liverpool sigraði einvígið á Anfield. Í átján leikjum, hafa Liverpool aðeins sigrað fjórum sinnum en United farið áfram tíu sinnum. Á jákvæðari nótum þá hefur Liverpool farið áfram í sautján af síðustu átján átta liða úrslitum í bikarnum. Eina tapið kom á því herrans ári 1995, mér finnst ég verða að minnast á að það er jafn langt síðan Liverpool hefur tapað í átta liða úrslitum bikarsins og síðan Everton vann bikar.

    Síðustu ár hefur Liverpool haft heljartak á United. Í síðustu tíu leikjum liðanna hafa United unnið tvo, þrír farið jafntefli og Liverpool unnið fimm. En þessir fimm hafa upp til hópa verið slátranir, sú frægasta var sjö núll sigurinn í fyrra. Í síðustu fimm leikjum hafa Liverpool skorað átján mörk og síðan Salah kom til Liverpool hefur hann fengið fleiri gul spjöld fyrir að fara úr að ofan eftir mörk gegn United á Anfield, en United hafa skorað mörk á Anfield.

    Hvað er annars hægt að segja um United árið 2024 sem ekki hefði verið hægt að segja um Liverpool árið 1998. Það er rúmur áratugur síðan þeir unnu deildina. Tíu ár, tuttugu og fimm krísur og átta þjálfarar. Ef Ryan Giggs og Ole Gunnar Solskjær geta talist þjálfarar. Nú var spennandi nýr eigandi að taka við félaginu, hver veit hvernig næstu mánuðir munu líta út hjá þeim.

    Erik Ten Hag, er hann maðurinn fyrir United? Það er erfitt að dæma um það. Fótboltinn sem hann stóð fyrir áður en hann kom til United var spennandi og skemmtilegur en eins og síðustu sjö forveran hans hefur hann ekki náð að setja mark sitt á spilamennsku liðsins. Hann hefur persónutöfra þvottatusku, en gæti einhver náð stjórn á svo illa samsettum og rándýrum leikmannahóp? Það sem United þurfa líklega er Arteta eða Klopp týpa. Það er að segja mann sem er tilbúin að taka fjóra-fimm leikmannaglugga í að hreinsa út rotnu eplin og byggja upp nýjan hóp. En það þarf þolinmæði og tíma og það hefur verið af skornum skammti í leikhúsi draumana.

    En leikurinn. FA bikarinn er eini séns United á alvöru bikar þetta árið og eins mikið og okkar menn vilja kveðja Klopp með fjórum bikurum, væri ekkert sem myndi gleðja United eins og að vera þeir sem skemma þann draum. Þeir munu tefla fram sínum sterkasta hóp og Old Trafford verður hópandi óður í þessum leik. En okkar menn eiga að vera verkefninu megnir.

    Liverpool.

    Eftir að hafa niðurlægt tékkana koma leikmenn Liverpool brattir inn í leikinn gegn United. Eftir þennan leik eru tveggja vikna pása þar sem einhverjir fara í landsliðsverkefni en mun færi en ætla mætti. Vonandi mun sú pása nýtast í að tjasla saman einhverjum af meiðslalistunum, jafnvel koma meiðslalistanum undir það fylla venjulegan varamannabekk.

    Það er svolítið síðan maður gat spáð næstum því sterkasta byrjunarliði Liverpool. Kelleher er auðvitað engin Alisson en strákurinn hefur staðið sig vel undanfarið. Hverjir voru teknir útaf á fimmtudaginn er ákveðin vísbending um hverjir eiga að byrja þennan leik.

    Varnarlínan verður væntanlega Bradley, Quansah, Van Dijk og Robbo, þó margt væri verra en Gomez í bakverðinum. Endo virðist geta spilað heilan leik fimm daga í röð svo hann verður á sínum stað. Szoboszlai tók allan leikinn fyrir helgi, en ég held að hann byrji samt við hlið Mac Allister. Elliot kemur svo inn til að sprengja upp leikinn í seinni hálfleik.

    Framlínan verður svo Salah, Nunez og Diaz. Þetta verður þá svona:

    Spá.

    United munu liggja til baka og reyna að sækja hratt á okkar. En það mun ekki virka. Okkar lið mun reynast alltof sterkir og enda á frægum 3-0 sigri.

    [...]
  • Atalanta í 8 liða úrslitum í EL

    Það var dregið í dag í 8 liða úrslitum, og niðurstaðan er sú að okkar menn mæta Atalanta. Fyrri leikurinn á Anfield, sá seinni á Ítalíu.

    Ef þetta einvígi vinnst, þá mætum við sigurvegurunum úr leik Benfica og Marseille.

    Nú og ef það einvígi vinnst líka (og þetta n.b. gætu orðið tveir síðustu Evrópuleikirnir á Anfield undir stjórn Klopp 🙁 ), þá verður liðið í heimabúningunum í Dublin í vor.

    Svo var dregið í einhverri annarri keppni þarna á undan, en við hirðum ekki um þessar smáfréttir.

    Stóru fréttirnar eru hins vegar þær að Jayden Danns er búinn að skrifa undir nýjan samning!

    [...]
Load More
Congratulations. You've reached the end of the internet.
Back to Top
Close